Veer zeen op fekansie en zeen uch gaer trök nao de zomer.

En nao de zomer?

80 Jaor ein passie veur teneel.

In 2025 viere veer, Speelgroep Gelre oet Remunj, óze tachtigste verjäördaag. Tachtig jaor mit ein passie veur teneel. Waat oojt begós es ein óntsjpanningsvereiniging direk nao de tweede waereld oorlog is oetgegreujd toet ein teneelvereiniging mit ein gooj reputasie in de ganse provinsie. Teneelsjpel, musiekal, zangk, figurere en prizzenter veer zeen van alle merte thoes.

Óze verjäórdaag.
Same mit uch wille veer óze verjäördaag op humoristiesche wieze viere op 3, 4 en 5 april 2025.
Weer is ’t Royal Theater de plaats om te genete van eerste klas amateurteneel in ’t Remunjs plat. ‘T Royal Theater haet de sfeer van de jaore 30, det trök te zeen is in o.a. ’t interieur van foyer en tejaterzaal.