1e bedrief
Geer maak venaovend kinnes mit miense die noodgedwonge mótte .samewone en laeve mit “De Barg”: eine sjrikkelikke gierige widman mit väöl geldj…
Geer zeet en heurt zien dochter Elise en häör geheim leefde (de hoesknech Valère) en de zoon Cléante mit zien knechske La Fleche. Dees miense besjpraeke ’t onmeugelikke gedraag van de aaje heer, dae auch nog zien toestjumming om te trouwe mót gaeve en es ’t effe kan… get centjes. Mer helaas: de kienjer lieke te waere oetgehuwelik.
2e bedrief
De zoon, Cléante, haet taege veurwaarde geldj geleend biej eine “geheime” geldjsjeeter.
De Barg haet óngertusse ein koppeleerster ingehuurd om ein nuuj vrouw te zeuke, natuurlik taege betaling…. maar dao is de Barg neet mit akkoord.
3e bedrief
’t Ganse personeel krieg aanwiezinge wiej de nuuj mevrouw (Marianne) ontvange mót waere en wieväöl aete d’r opgedeend moog waere. ’t Is de eerste kinnismaking en de toekómstige broed sjrik zich laam es ze de broedegom zuut.
4e bedrief
De Barg krieg in de gate det ziene zoon ’t nuuj vruike, zien sjoonmoder dus, waal héél aardig vindj. Jacques, de knech veur alles, mót bemiddele – helaas zónger succes. Óngertusse haet La Fleche de geldjkies gevónje en versjtop. De Barg waerd haos gek van elenj, es d’r de kies neet meer aantruf… hae reup de pliesie en de rechter-kommesaris d’r biej óm sjnelrech te sjpraeke.
5e bedrief
’t Ongerzeuk doert lang. Éderein waerd verdach. Om dae ganse ergernis kompleet te make, versjient ouch nog de vader van de nuuj broed van de Barg op ’t toneel. Dae kiek neet op ein paar dubbeltjes, en dao is de Barg happetig op…
