Truukblik | De Amuse

Dinsdig 23 augustus vónj de äöpening (de amuse, dus) van de 40e editie van ’t Limburg Festival plaats in de prachtige Sint Barbarakèrk in Leveroy. Ónger regie van ós regisseuse Geerte Schmitz vónj ein prachtig jubileumsjpektakel plaats wo in naeve biezunjer optraejes ouch plek woor veur inkele mythische waezes. Dao ónger bevónje zich o.a. ouch Gelre-sjpelers Sylvia en Sanne, same mit theatervrunj oet gans Midde-Limburg. Wáát ein ervaring, ze höbbe enorm genaote!

Daomit sjteit ouch Gelre weer in de sjtartblokke om ’t nuuje culturele jaor te beginne. V’r gaon wiejer wo v’r gebleve ware, en pakke dus ‘De Naas’ weer op. En dao kinne veer nog waal get sjteun bie gebroeke. Die sjteun kint geer, zeer gewaardeerd pebliek, ós beje door op ós te sjtumme tiejes Rabo ClubSupport. Sjtumme kan vanaaf a.s. maondig 5 september. Haaj dees pagina en ós website in de gate veur meer informatie!

De prachtige foto’s zeen door Johan Horst & Antoine Bongers in opdrach van ’t Limburg Festival gemaak.

Lees hier de nederlandse vertaling

Truukblik | De Trouwerie

Waat ein heerlijke daag waar ’t aafgeloupe zondig! Sjoon waer, gezellige gaste, heerlike zang van De Polkadots én ein prachtig broedspaar. En de mam…? Die heel zich nao ’t teikene van ’t zjwiegkóntrak oeteindelik waal keduuk ;-). Kortom: veer wore bliej det veer weer kóste sjpele. Bedank veur uch kóms, veer haope uch vlot weer te zeen!

Lees hier de nederlandse vertaling

Hoera Rura!

Mit väöl plezeer kieke veer truuk op ein sjoon samewirking mit De Symphonie Roermond. Op 6 en 7 november nome veer same op avontuurlike en theatrale wies de Remunjse historie door ter gelegenheid van ’t 140-jaorig jubileum van De Symphonie.

Veer fillesitere De Symphonie (o.l.v. @Christiaan Janssen) gaer nog ein keer mit hun biejzunjere verjaordaag – veer vónje ’t sjiek om ónger regie van Roel Verheggen en same mit soliste tenor Pascal Pitte en sopraan Daphne Ramakers e biedrage te kinne levere aan uch muzikale fees!

Lees hier de Nederlandse vertaling en bekijk de foto’s!

Meisje met de gouden handen (reprise 2021)

Zondag 17 oktober 2021 namen de VVV-gidsen Roermond jong en oud opnieuw mee tijdens de spannende en sfeervolle theaterwandeling ‘Het Meisje met de Gouden Handen’. De magie van dit prachtige sprookje, geschreven door Jan Huyskens en Huub Graus, kwam dankzij Speelgroep Gelre (met fantastische gastspelers) voor het tweede jaar op rij tot leven in de historische binnenstad van Roermond. Wij hebben net als het publiek genoten; het was wederom een groot succes!

Bekijk hier de foto’s

Ommetje Opera 2021

Leje van Speelgroep Gelre verzörge al ein paar jaor – same mit leje van collega-vereniginge – de theatrale omliesting van Ommetje Opera. Geerte Schmitz verzörg zelfs al sinds 2015 de regie. Dit jaor woor helaas de lètste editie van dit biezunjere óngerdeil van ’t Limburg Festival… Maar es ’t publiek net zo genaote haet es veer, woor ’t ein zeer geslaag aafzweije!

Lees hier de nederlandse vertaling en / of bekijk de foto’s

Het meisje met de gouden handen

Zóndig 11 oktober lepe d’r heel get vraemde figure door de sjtad. Zie brachte ónger leijing van regisseuse Marie-Anne Breuer ’t sjpannende Remunjse sjprookje ‘Het meisje met de gouden handen’ toet laeve. Haw men zich ingesjreve veur de VVV-wanjeling, den kós men kènnis make mit de Aovesmoder, Hyacinthe, eine kobold, Schinderhannes, Jeroen en natuurlik ’t maedje mit de goude henj! Neet te kènne (mit dank aan de fantastische grime van Ton Nizet) kóste ós leje en jong talente Jodi Cranen en Maxi Gregorius euver sjtraot. ’t Woor ein groot succes, dus waem wèt laote de sjprookjesfigure zich later nog waal èns zeen…

P.S. Neet vergaete woh: geer kint nog toet en mit volgende waek zóndig op ós sjtumme via rabobank.nl/clubsupport. Sjiek es geer ós ouch sjteunt!

Lees hier de nederlandse vertaling én bekijk de foto’s!